ترال: محکمہ جل شکتی کے خلاف احتجاج

لوگوں کا کہنا ہے کہ 'ترال عوام کا روزگار کھیتی باڑی سے چلتا ہے اور اگر علاقے کے نالوں کا پانی دوسرے علاقوں میں پہنچایا گیا تو علاقے کی سینکڑوں کنال اراضی بے کار ہوجائیں گی'۔

ضلع پلوامہ کے ترال علاقے میں عوام نے محکمہ جل شکتی کے خلاف جم کر احتجاج کیا۔ اس دوران مانچھامہ ،کہلیل، ناگہ بل، باگندر اور کئی علاقوں کے لوگوں نے مانچھامہ میں اکٹھہ ہو کر محکمہ پی ایچ ای کے خلاف احتجاجی مظاہرہ کیا۔

لوگوں کا کہنا ہے 'محکمہ علاقے کے نالوں کا پانی پائی پاس کر کے دوسرے علاقوں تک پہنچانے کی کوشش کر رہا ہے۔ جس کی وجہ سے علاقے کی سینکڑوں کنال اراضی بے کار ہوجائیں گی'۔

لوگوں کا کہنا ہے 'علاقے میں عوام کا روزگار کھیتی باڑی سے چلتا ہے اور اگر ایسا ہوا تو علاقے کے لوگ بے کار ہو جائیں گے'۔

لوگوں نے مزید بتایا 'وہ اپنی آراضی کو بنجر یوتے نہیں دیکھنا چاہتے ہیں۔ اس لیے یو ٹی انتظامیہ سے اس منصوبے کو بند کرنے کی اپیل کی جاتی ہے ورنہ ہم سڑکوں پر آنے کے لئے مجبور ہوجائیں گے'۔