ضلع پلوامہ کے آچھوگوزہ بلاک میں عوامی دربار کا انعقاد

ضلع پلوامہ کے آچھوگوزہ بلاک میں عوامی دربار کا انعقاد کیا گیا جس میں ضلع ترقیاتی کمشنر پلوامہ نے شرکت کی۔

ضلع ترقیاتی کمشنر پلوامہ، بصیر الحق چودھری کے ہمراہ دیگر محکموں کے افسران بھی عوامی دربار میں موجود رہے۔ آچھوگوزہ علاقے میں منعقد کیے گئے عوامی دربار میں علاقے کے درجنوں باشندوں نے شرکت کی اور اپنے مسائل سے انتظامیہ کو آگاہ کیا۔

مقامی باشندوں نے خصوصاً علاقے میں پانی، بجلی اور سڑکوں کے حوالے سے لوگوں کو درپیش مشکلات سے ترقیاتی کمشنر کو آگاہ کیا۔

کمشنر نے لوگوں کو یقین دہانی کی کہ عوام کے جائز مطالبات کو ترجیحی بنیادوں پر حل کیا جائے گا۔
انہوں نے کہا کہ علاقے کو سیاحتی نقشے پر لانے کی کوششیں جاری ہیں۔ انہوں نے افسروں کو تعمیراتی کام میں سرعت لاکر مقررہ وقت پر کام کو مکمل کرنے کی تلقین کی'۔