جنوبی کشمیر کے ضلع پلوامہ میں محکمۂ بجلی سے وابستہ یومیہ اجرت پر کام کررہے عارضی ملازمین نے احتجاج کیا۔ احتجاج میں شامل عارضی ملازمین نے اپنے دیرینہ مطالبات کو پورا کرنے کی مانگ کرتے ہوئے 2019 میں منظور شدہ سفارشات کو لاگو کیے جانے کا مطالبہ کیا۔
پلوامہ: محکمہ بجلی سے وابستہ عارضی ملازمین کا احتجاج
عارضی ملازمین کا کہنا ہے کہ وہ گزشتہ کئی برسوں سے محکمہ بجلی میں انتہائی قلیل اجرت پر کام کررہے ہیں۔ ان کے مطابق، متعدد افراد دوران ڈیوٹی فوت ہو گئے جبکہ کئی افراد عمر بھر کے لئے معذور ہوکر رہ گئے، تاہم اسکے باوجود انکے جائز مطالبات کو پورا نہیں کیا جا رہا۔
انہوں نے مزید کہا کہ اگر انکے دیرینہ مطالبات کو پورا نہیں کیا گیا تو وہ احتجاج میں شدت لانے کے لیے مجبور ہو جائیں گے۔