وادی کے بیشتر اضلاع کے ساتھ ساتھ جنوبی کشمیر کے ضلع پلوامہ میں بھی محکمہ بجلی میں یومیہ اجرت پر کام کر رہے عاضی ملازمین نے محکمہ بجلی کے مقامی دفتر کے احاطہ میں احتجاج مظاہرہ کیا۔
یومیہ اجرت پر کام کر رہے عارضی ملازمین کا احتجاج عارضی ملازمین کا کہنا ہے کہ محکمہ بجلی کے افسران نے سال 2019 میں ڈیپارٹمنٹل پروموشن کمیٹی (DPC) نے عارضی ملازمین کے حق میں چند سفارشات کو منظور کیا تھا جسے ان کے مطابق ’’عرصہ دراز گرزنے کے باوجود لاگو نہیں کیا جا رہا ہے۔‘‘
احتجاج کر رہے عارضی ملازمین نے مزید کہا کہ دوران ڈیوٹی فوت یا عمر بھر کے لیے معذور ہونے والے عارضی ملازمین کے اہل خانہ کو منظور شدہ ایس آر او 43کے تحت راحت فراہم نہیں کی جا رہی ہے۔
مزید پڑھیں:DIG South Visits Pulwama: جنوبی کشمیر کے ڈی آئی جی کا پلوامہ دورہ
انہوں نے مزید کہا کہ عارضی ملازمین نے وادی بھر میں 72گھنٹوں کے لیے کام چھوڑ ہڑتال شروع کی ہے، انکے مطابق اگر انکے دیرینہ مطالبات کو پورا نہیں کیا گیا تو وہ ہڑتال میں مزید توسیع کے علاوہ احتجاج میں شدت لانے کے لیے مجبور ہو جائیں گے۔
