جنوبی کشمیر کے ضلع پلوامہ میں زونل فیزیکل ایجوکیشن پلوامہ کی جانب سے 24 پنچایت حلقوں کے مختلف اسکولوں کے طلبا کیلئے شطرنج اور کیرم ٹورنامنٹ کا آغاز کیا گیا جس میں تقریبا 480 طلباء نے شرکت کی۔
مختلف اسکولوں کے طلباء کے علاوہ محکمہ اسپورٹس کے اعلی افسران بھی پروگرام میں موجود رہے۔
واضح رہے کہ شطرنج کا کھیل، ذہنی آزمائش کیلئے مشہور ہے اور اسکی مہارت رکھنے والے انتہائی ذہین مانے جاتے ہیں۔
اس حوالے سے طلبا نے ای ٹی وی بھارت سے بات کرتے ہوئے کہا کہ ’ کھیل کود سے طلبا تعلیمی سرگرمیوں کے ساتھ ساتھ غیر نصابی مشغولیات کا لطف بھی اٹھاسکھیں گے اور زندگی میں آگے بڑ سکھیں گے'۔
اسپورٹس افسر محمد اشرف شاہ نے بتا یا کہ،یہ ٹورنامنٹ پچھلے تین دنوں سے پنچایتی حلقوں میں چل رہا ہے۔ٹورنامنٹ میں بہتر کارکردگی کا مظاہرہ کرنے والے طلباء کو ضلعی سطح پر کھیلنے کا موقع بھی فراہم کیا جائیگا۔
اس پروگرام کا مقصد نوجوانوں میں شطرنج اور کیرم کی جانب دلچسپی بڑھانا تھا تاکہ ان کی ذہانت میں اضافے ہو سکے۔