Anti-drug program منشیات کا استعمال باعث تباہی

ترال میں واقع اکمل اسکول کے احاطہ میں منشیات پر قابو پانے اور شجرکاری سے متعلق ایک تقریب کا انعقاد عمل میں آیا۔ اس موقع پر مقررین نے کہا کہ منشیات پر قابو پانے کے لئے ہمیں بر وقت اقدام اٹھانے کی ضرورت ہے۔

پلوامہ:مرکز کے زیر انتظام خطہ جموں و کشمیر کے ضلع پلوامہ کے سب ڈسٹرکٹ ترال میں واقع اکمل اسکول کے احاطہ میں پولیس اور سوشل فارسٹری محکمہ کے تعاون سے انسداد منشیات اور شجرکاری کے حوالے ایک پروگرام کا اہتمام کیا گیا۔اس تقریب میںں ڈی ڈی سی ممبر ترال ڈاکٹر ہربخش سنگھ مہمان خصوصی کے طور پر شامل ہوئے، جبکہ اسٹیزن کونسل کے سربراہ فاروق ترالی اور ایم سی ترال کے صدر منظور خان کے علاوہ پولیس اور سوشل فارسٹری محکمہ کے عہدیداروں کے علاوہ دیگر افراد نے بھی شرکت کی۔

اس پروگرام سے خطاب کرتے ہوئے مقرنین نے کہا کہ موجودہ وقت میں منشیات نے پوری وادی میں قبضہ جمایا ہے وہ ہم تمام کے لئے لمحہ فکریہ ہے اور اگر بروقت اقدامات نہیں اٹھائے گئے تو صورتحال انتہائی تشویشناک رخ اختیار کر سکتی ہے، اس لیے سماجی سطح پر انسداد منشیات کے حوالے سے مہم چلانے کی ضرورت ہے، جس کے لیے سیول سوسائٹی کے علاوہ مذہبی رہنماؤں کو بھی آگے آنے کی ضرورت ہے ۔

اس موقع پر اکمل اسکول کے احاطے میں شجرکاری بھی کی گئی اور اس بات کا عہد کیا گیا کہ شجرکاری کے لیے ترال علاقے میں حکمت عملی اختیار کی جائیگی،اس موقع پر ایک ریلی بھی نکالی گئی ۔

میڈیاکے نمائندوں سے بات کرتے ہوئے ڈاکٹر ہربخش سنگھ نے بتایا کہ اسطرح کی تقریبات کا اہتمام موجودہ دور میں ضروری ہے کیونکہ ایسے اقدامات سے ہی منشیات اور دیگر بری عادات سے بچایا جا سکتا ہے۔