عالمی یوم کتاب اور یوم وصال ولیم شیکسپیئر کے موقع پر آج ڈگری کالج ترال میں ایک آن لائن سمپوزیم کا اہتمام کیا گیا جس میں وادی کے اطراف و اکناف سے طلبا نے شرکت کی۔
سمپوزیم کا افتتاح کالج کے پرنسپل فاروق احمد میر نے کیا اور افتتاحی تقریب کے دوران انگریزی لٹریچر میں شیکسپئر کی خدمات کو ناقابل فراموش قرار دیا۔
کالج کے پروفیسر اسحاق احمد وانی نے ولیم شیکسپئر کی زندگی اور کمالات پر مفصل روشنی ڈالی۔ موصوف نے طلبا کو کتب بینی کا مشورہ دیا تاکہ ان کے ذہن کے دریچے وسعت پا سکیں۔
یہ بھی پڑھیں: جنوبی کشمیر: نوے کی تلخ یادیں تازہ
نظامت کے فرائض ڈاکٹر مختار احمد ڈار نے انجام دیے۔ طلبا نے گورنمنٹ ڈگری کالج کے اس سمپوزیم کو ایک اچھی پہل قرار دیا۔