Fire In Tral آری پل ترال میں آگ کے واقعے میں ایک رہائشی مکان اور گاؤ خانہ خاکستر

ترال کے آری پل علاقہ میں جمعہ کی علی الصبح آگ کے ایک واقعے میں ایک رہائشی مکان اور ایک گاؤ خانہ خاکستر ہوا ہے۔ مقامی لوگوں نے انتظامیہ سے آگ متاچرہ کے لیے مالی امداد کی اپیل کی ہے ۔one house and one cow shed gutted in tral blaze

ترال:جنوبی کشمیر کے آری پل ترال میں آج علی الصبح آگ کی ایک واردات میں ایک رہائشی مکان اور گاؤ خانہ مکمل طور خاکستر ہوا ہے۔ مقامی لوگوں نے بتایا کہ آگ صبح 5 بجے کے قریب ایک مقامی باشندے خضر محمد لون کے رہائشی مکان سے ظاہر ہوئی، جس نے ساتھ میں موجود ایک گاؤ خانے کو اپنی لپیٹ میں لیا۔Fire in Tral

آگ اس قدر بھیانک تھی کہ خضر محمد کے مکان میں موجود ساز وسامان جل کے راکھ کے ڈھیر میں تبدیل ہوا ہے۔ مقامی لوگوں نے بتایا کہ جس شھری کا مکان جل کر راکھ کے ڈھیر میں تبدیل ہوا ہے وہ انتہائی غریب ہے۔ مقامی لوگوں نے انتظامیہ سے متاثرہ شھری کی مالی معاونت کرنے کی اپیل کی ہے۔

اس کے علاوہ مقامی لوگ نے علاقے میں فائر اسٹیشن قائم کرنے کی گزارش کی ہے،کیونکہ آگ لگنے کے اوقات میں فائر اسٹیشن گاڑی کو ترال سے آنے میں آدھا گھنٹہ لگتا ہے جس کی وجہ سے زیادہ نقصان ہو جاتا ہے۔