چار روز بعد پلوامہ میں معمولات زندگی بحال

معروف عسکری کمانڈر ذاکر موسی کی ہلاکت کے چار روز بعد آج ریاست کے حساس ترین ضلع پلوامہ میں حالات معمول پر آئے۔

آج صبح پلوامہ کے سبھی علاقوں میں دکانوں سمیت کاروباری ادارے کھل گئے، تعلیمی اداروں اور دفاتر میں بھی کام کاج بحال ہوا اور بازاروں میں رونق لوٹ آئی۔

انتظامیہ نے 2G انٹرنیٹ خدمات کو بھی بحال کیا ہے۔

واضح رہے کہ انصار غزوۃ الہند کے سرپرست اعلیٰ اور معروف عسکریت پسند ذاکر موسیٰ رواں ماہ 23 اور24 مئی کی درمیانی شب کو ڈاڈ سرہ، ترال میں فورسز کے ساتھ دس گھنٹوں کی تصادم آرائی میں ہلاک ہوا تھا۔

ہلاکت کے بعد پوری وادی میں ہڑتال ہوئی تھی، جبکہ وادی کے بیشتر قصبوں میں انتظامیہ نے کرفیو نافذ کیا تھا۔ ساتھ ہی موبائل انٹرنیٹ خدمات کو بھی بند کیا گیا تھا۔

ذاکر موسیٰ پلوامہ کے نور پورہ، ترال علاقے کا رہنے والا تھا۔