کشمیر: غیر مقامی مزدوروں کی گھر واپسی

جموں و کشمیر کے ضلع پلوامہ میں انتظامیہ نے آج ریاست بہار اور اترپردیش سے تعلق رکھنے والے 46 غیر مقامی مزدوروں کو اپنے اپنے گھر روانہ کیا۔

ڈگری کالج ترال میں لاک ڈاؤن کے دوران جن غیر ریاستی مزدوروں کو انتظامیہ نے پناہ دی تھی ان کی گھر واپسی کے لیے انتظامیہ نے اقدامات شروع کر دیے ہیں اس حوالے سے پہلے پنجاب گرداس پور سے تعلق رکھنے والے 31 غیر مقامی مزدوروں کو ایس آر ٹی سی بس کے ذریعے روانہ کیا گیا تھا اور آج 46 غیر ریاستی مزدوروں جن کا تعلق ریاست بہار اور اتر پردیش سے تھا کو گرمجوشی کے ساتھ ساتھ رخصت کیا گیا اور ہر ایک کو کھانے کے پیکٹس اور ماسک مفت بھی فراہم کیے گئے۔

اس موقع ایڈشینل ڈپٹی کمشنر ترال شبیر احمد رینہ اور انتظامیہ کے دیگر عہدیدار موجود تھے جنھوں نے ان غیر ریاستی مزدوروں کو گرمجوشی کے ساتھ روانہ کیا غیر ریاستی مزدوروں نے انتظامیہ کی جانب سے فراہم کردہ سہولیات پر انکا شکریہ ادا کیا واضح رہے کہ ترال انتظامیہ نے غیر ریاستی مزدوروں کے قیام وطعام کے لیے معقول بندوبست انتظامات کئے گئے تھے