نہرو یو کیندر کی جانب سے پلوامہ میں یک روزہ پروگرام کا انعقاد
پلوامہ:جنوبی کشمیر کے ضلع پلوامہ میں آج "پنچ پران امرت کال" کے تحت نہرو یووا کیندر پلوامہ نے پروگرام منعقد کیا۔ اس پروگرام میں ضلع پلوامہ کے سبھی سرکاری اور نجی اسکولی بچوں نے شرکت کی۔ اس موقع پر بچوں میں ضلع سطح کے مختلف سرگرمیوں میں مقابلے کرائے گئے جبکہ نمایاں کارکردگی دیکھنے والے بچوں کو یوٹی سطح پر ان سرگرمیوں میں مقابلہ کرنے کا موقع دیا جائے گا جہاں سے وہ پھر ملکی سطح پر بھی ان سرگرمیوں میں حصہ لینے کے لیے جاسکتے ہیں۔
اس موقع پر بچوں میں مضمون نویسی، فوٹو گرافی، مصوری مقابلہ وغیرہ کرایا گیا جس میں نمایاں کارکردگی دیکھنے والے بچوں کو انعامات سے نوازا گیا۔ ہر ایک سرگرمی میں ضلع کے 30 بچے شرکت کررہے ہیں۔ اس موقع پر محتلف محکموں کی جانب سے اسٹال بھی لگائے گئے تھے جہاں پر محتلف چیزوں کی نمائش کی گئی تھی۔