پلوامہ: نیشنل کانفرنس کی میٹنگ

نیشنل کانفرنس کے ضلع صدر غلام محی الدین میر نے نو منتخب ڈی ڈی سی چیئرپرسن اور وائس چیئرپرسن کو مبارکباد دی۔

جموں و کشمیر کے ضلع پلوامہ میں نیشنل کانفرنس کے ضلع دفتر میں این سی کے ضلع صدر غلام محی الدین میر کی صدارت میں ایک میٹنگ منعقد ہوئی جس میں نیشنل کانفرنس اور پی اے جی ڈی کے مشترکہ امیدوار اور نو منتخب ڈی سی وائس چیئرپرسن محتار احمد بند کی حوصلہ افزائی کی گئی۔

اس موقع پر نیشنل کانفرنس کے کئی کارکنان موجود تھے۔ ضلع صدر نے کارکنان کو کہا کہ وہ لوگوں کے پاس جا کر ان کے مسائل کو حل کرنے کی کوشش کریں اور نیشنل کانفرنس کو مضبوط کرنے کے لئے کام کریں۔

غلام محی الدین میر نے ضلع انتظامیہ پلوامہ کے ساتھ ساتھ پولیس کا پر احسن طریقے سے انتخابات کروانے پر شکریہ ادا کیا۔ انہوں نے کہا کہ اس سے نیشنل کانفرنس کے ساتھ ساتھ دوسری پارٹیوں کے امیدواروں کا انتظامیہ پر اعتماد بڑھا ہے۔ انہوں نے نو منتخب ڈی ڈی سی چیئرپرسن اور وائس چیئرپرسن کو کہا کہ وہ ضلع انتظامیہ پلوامہ کے ساتھ ضلع میں تعمیر و ترقی کے متعلق کام کاج کو آگے لے جائیں اور ضلع کو تعمیر و ترقی کی راہ پر گامزن کریں۔