National Conference on J&K Election: نیشنل کانفرنس کے کارکنان کو انتخابات کیلئے تیار رہنے کی ہدایت

نیشنل کانفرنس National Conference نے پارٹی کارکنان کو انتخابات کے لیے تیار رہنے کی ہدایت دی۔ مزید یہ کہ نیشنل کانفرنس نے جموں و کشمیر میں جلد از جلد انتخابات کرانے کا مطالبہ کیا۔

جموں و کشمیر کے ضلع پلوامہ میں آج نیشنل کانفرنس National Conference کی جانب سے ایک میٹنگ منعقد کی گئی جس میں نیشنل کانفرنس کے ضلع صدر و سابق رکن اسمبلی غلام محی الدین میر، ایک برس قبل نیشنل کانفرنسمیں شامل ہوئے سابق پی ڈپی پی رہنما و رکن اسمبلی محمد خلیل بند، سب ضلع ترال پانپور کے نیشنل کانفرنس کے عہدیداران کے علاوہ نیشل کانفرنس کے کارکنان نے شرکت کی۔

اس میٹنگ میں کارکنان پر زور دیا گیا کہ وہ نیشنل کانفرنس National Conference کو کامیاب بنانے کے لیے زمین سطح پر کام کریں تاکہ آنے والےاسمبلی انتخاباتمیں نیشنل کانفرنس بھاری اکثریت سے جیت کر جموں و کشمیر میں اپنی سرکار بنائے۔ مزید کارکنان پر اس بات پر بھی زور دیا گیا کہ وہ لوگوں کے مسائل کا ازالہ کرنے کے لیے تعاون کریں۔

اس موقع پر ورکروں سے کہا گیا کہ وہ انتخابات کے لیے تیار رہیں۔'میٹنگ کے دوران نیشنل کانفرنس کے عہدیداران نے کارکنان سے خطاب کرتے ہوئے کہاکہ نیشنل کانفرنس وہ واحد سیایسی جماعت ہے جو لوگوں کی فلاح و بہبود کے لیے کام کررہی ہے۔ ساتھ انہوں نے یہ بھی دعویٰ کیا کہ نیشنل کانفرنس کا ایک ہی مقصد ہے اور وہ یہ کہ جموں وکشمیر کی آئینی حیثیت انہیں واپس دلایا جائے جس کا خاتمہ بی جے پی نے 5 اگست 2019 کو کیا تھا۔

انہوں نے کہاکہ نیشنل کانفرنس وہ واحد سیاسی جماعت ہے جو اس کو واپس دلانے میں اہم کردار ادا کرسکتی ہیں'۔اس موقع پر نیشنل کانفرنس کے ضلع صدر و سابق رکن اسمبلی غلام محی الدین میر نے بات کرتے ہوئے کہا نیشنل کانفرنس ہر طرح کے انتخابات کے لیے تیار ہے اور مطالبہ کرتے ہیں کہ جموں و کشمیر میں جلد از جلد انتخابات کرائے جائیں۔ تاکہ کہ لوگوں کو عوامی حکومت ملے اور لوگوں کے مشکلات کا ازالہ ہو۔