چیرمین میونسپل کمیٹی کا خانقاہ باغ، پانپور کا دورہ

بھارتیہ جنتا پارٹی کے سینئر لیڈر اور میونسپل کمیٹی پانپور کے چیئرمین محمد یعقوب ملک نے منگل کو خانقاہ باغ، پانپور کا دورہ کرکے عوامی وفود سے ملاقات کی۔

میونسپل کمیٹی پانپور کے چیئرمین نے میونسپلٹی افسران و اہلکاران کے ہمراہ منگل کو خانقاہ باغ، پانپور کا دورہ کرکے ترقیاتی کاموں کا جائزہ لیا۔

دورے کے دوران میونسپل کمیٹی چیئرمین نے علاقے کے مختلف عوامی وفود سے ملاقت کی۔ عوامی وفود نے چیئرمین کو علاقے میں درپیش مسائل و مشکلات سے آگاہ کیا۔

میونسپل چیئرمین نے لوگوں کے مسائل سننے کے بعد انہیں یقین دلایا کہ ’’عوام کے جائز مطالبات کو ترجیحی بنیادوں پر حل کرنے کی کوشش کی جائے گی۔‘‘

انہوں نے دورے کے دوران افسروں پر زور دیا کہ وہ علاقے کی تعمیر و ترقی میں سرعت لانے کی کوشش کریں تاکہ عام لوگوں کو مشکلات کا سامنا نہ کنا پڑے۔

مونسپل کمیٹی پانپور کے چیئرمین محمد یعقوب ملک نے میڈیا سے گفتگو کرتے ہوئے کہا کہ قصبہ پانپور کی تعمیر و ترقی انکی اولین ترجیح ہے۔