ضلع پلوامہ کے چرسو اونتی پورہ علاقے سے شعیب شفیع بٹ ولد محمد شفیع 12 جولائی کو لاپتہ ہوا تھا۔ جس کے بعد اسکے گمشدہ ہونے کی رپورٹ پولیس اسٹیشن اونتی پورہ میں درج کی گئی۔
جمعرات کو شعیب شفیع کی ہاتھوں میں بندوق لیے ہوئے ایک تصویر سوشل میڈیا پر وائرل ہوئی ہے۔
19 سالہ شعیب شفیع پیرا میڈیکل سائنس کی تعلیم حاصل کر رہا تھا۔
گمشدگی کی رپورٹ درج کرنے کے بعد شعیب شفیع کے والدین نے ایک ویڈیو کے ذریعے عوام سے ان کے بیٹے کو ڈھونڈ نکالنے کی مدد کی اپیل کی تھی۔
قابل ذکر ہے کہ گزشتہ مہینوں میں جنوبی کشمیر سے تعلق رکھنے والے کئی نوجوان عسکری صفوں میں شامل ہوئے ہیں۔
