پلوامہ میں عسکریت پسند گرفتار

پولیس نے بتایا کہ گرفتار شدہ عسکریت پسند نے حال ہی میں عسکری تنظیم لشکر طیبہ میں شمولیت اختیار کی تھی۔

پولیس نے بتایا کہ سیکیورٹی فورسز نے پلوامہ کے کاکہ پورہ علاقے کے سیتھر گنڈ میں سرچ آپریشن کے دوران ایک عسکریت پسند کو گرفتار کر لیا ہے۔ گرفتار شدہ عسکریت پسند نے حال ہی میں عسکریت پسندی کا راستہ اختیار کر لیا تھا۔

پولیس نے بتایا کہ مصدقہ اطلاع موصول ہونے کے بعد فورسز نے علاقے میں سرچ آپریشن شروع کیا اور اس دوران ایک عسکریت پسند جسکی شناخت شنف اکبر بٹ ولد محمد اکبر بٹ ساکنہ خیردمو کاکہ پورہ پلوامہ کے بطور کی ہے، کو گرفتار کرلیا ہے۔

پولیس نے بتایا کہ شنف اکبر بٹ نے چند روز قبل ہی عسکریت پسندی کا راستہ اختیار کیا تھا اور وہ عسکری پسند تنظیم لشکر طیبہ سے وابستہ تھا۔

پولیس نے بتایا کہ اس ضمن میں کیس درج کر کے مزید تحقیات شروع کر دی ہے۔