اونتی پورہ میں عسکری معاون گرفتار

جنوبی کشمیر کے ضلع پلوامہ کے اونتی پورہ میں پولیس نے ایک عسکری معاون کو گرفتار کرنے کا دعویٰ کیا ہے۔

اونتی پورہ پولیس نے دعویٰ کیا ہے کہ فوج اور سی آر پی ایف کی مدد سے ایک عسکری معاون جو کہ ممنوعہ تنظیم لشکر طیبہ کے ساتھ وابستہ تھا، کو گرفتار کر لیا ہے۔

تفصیلات کے مطابق اونتی پورہ پولیس نے فوج کی 42 آرآر اور سی آر پی ایف کی 130 بٹالین کے ساتھ مشترکہ طور پر چرسو اونتی پورہ سے تعلق رکھنے والے ایک عسکری معاون آصف احمد تیلی کو قابل اعتراض مواد کے ساتھ گرفتار کر لیا ہے۔

پولیس کے مطابق یہ عسکری معاون علاقے میں عسکریت پسندوں کو پناہ دینے اور ایک جگہ سے دوسری جگہ منتقل کرنے میں ملوث تھا جبکہ لڑکوں کو عسکریت پسندی کی طرف مایل کر رہا تھا

پولیس نے اسکے خلاف باضابطہ ایف آئی آر درج کیا ہے اور اسکی گرفتاری ایک بڑی کامیابی قرار دی ہے۔