اونتی پورہ میں عسکری معاون گرفتار

جموں و کشمیر کی پولیس نے اونتی پورہ کے نور پورہ گاؤں سے عسکریت پسندوں کے ایک معاون کو گرفتار کرنے کا دعوٰی کیا ہے۔

تفصیلات کے مطابق نورپورہ ترال میں سیکیورٹی فورسز نے عسکری تنظیم لشکر طیبہ کے ایک معاون کو اسلحہ سمیت گرفتار کیا ہے، جس کی شناخت ساحل فاروق ولد فاروق احمد ساکن چکورہ پلوامہ کے بطور ہوئی ہے۔

پولیس کے مطابق مذکورہ عسکری معاون ترال، کھریو اور اونتی پورہ علاقوں میں عسکریت پسندوں کو پناہ دینے اور ان کو ایک جگہ سے دوسری جگہ منتقل کرنے میں ملوث تھا۔

اس ضمن میں اونتی پورہ پولیس نے کیس درج کر کے تحقیقات شروع کردی ہے۔