Land Sliding Worries Navnagri Residents: پلوامہ میں زمین کھسکنے سے عوام میں تشویش

ضلع پلوامہ میں متعدد دیہات کریوا کے نزدیک نشیبی علاقوں میں آباد ہیں، تاہم ان بستیوں میں رہائش پذیر لوگوں کو زمین کھسکنے کے سبب جان و مال کا خطرہ لاحق رہتا ہے۔ Land Sliding Navnagri Pulwama

پلوامہ:جنوبی کشمیر کے پلوامہ ضلع کے نونگری نام کی بستی میں کریوا (Karevas) سے اچانک پانی خارج ہونے کے سبب ٹیلے کی زمین کافی نرم ہوکر کھسک رہی ہے۔ زمین کھسکنے کی وجہ سے جہاں لوگوں کو عبور و مرور میں مشکلات کا سامنا کرنا پڑ رہا ہے وہیں لوگوں کو بڑا حادثہ رونما ہونے کے سبب جان و مال کا خطرہ لاحق رہتا ہے۔ Land Sliding in South Kashmir

مقامی لوگوں کے مطابق گزشہ کئی ماہ سے نوگری علاقے میں زمین کھسک رہی ہے جس کی وجہ سے ٹرانسپورٹ کے ساتھ ساتھ پیدل چلنے والوں کا بھی گزرنا مشکل ہو رہا ہے۔ انہوں نے کہا ان کریوا (ٹیلوں) سے اچانک پانی خارج ہونے سے رابطہ سڑک کے ساتھ ساتھ نشیبی علاقوں میں رہائش پذیر بستی کی زمین بھی کھسکنے کا خطرہ لاحق ہے۔ اس وجہ سے علاقے میں خوف و دہشت کا ماحول ہے۔ Land Sliding in Navnagri worries Residents

مقامی باشنوں کا کہنا ہے کہ علاقے کے کریوا سے اچانک پانی کا ریلہ نکل آنے سے نہ صرف ٹیلوں کی مٹی نرم پڑ چکی ہے بلکہ اس سے رابطہ سڑک کو بھی کافی نقصان پہنچا ہے۔ لوگوں نے انتظامیہ سے علاقے کا دورہ کر کے زمین کھسکنے کی وجہ معلوم کرنے اور لوگوں کے جان و مال کو تحفظ فراہم کرنے کی اپیل کی ہے۔Land Sliding in Navnagri worries Residents