اونتی پورہ میں منشیات فروش گرفتار

جموں و کشمیر کے ضلع پلوامہ کے اونتی پورہ میں پولیس نے منشیات مخالف کاروائی کرتے ہوئے ایک شخص کو گرفتار کیا ہے۔

اطلاعات کے مطابق پولیس نے اونتی پورہ میں ایک ناکے کے دوران ایک شخص کی تلاشی لی اور ان کی تحویل سے 300 گرام چرس برآمد کیا ہے۔

پولیس نے منشیات فروش کو گرفتار کیا ہے اور اس کے خلاف مقدمہ درج کیا ہے۔

گرفتار شدہ شخص کی شناخت محمد شعبان کے طور پر ہوئی جس کا تعلق بنڈنہ اونتی پورہ سے ہے۔

پولیس کے مطابق یہ شخص علاقے میں منشیات کو فروغ دے رہا تھا۔ پولیس نے مذکورہ اسمگلر کے خلاف ایف آئی آر 29/2020 درج کر کے تحقیقات شروع کردی ہے پولیس نے عوام سے منشیات کی وبا پر قابو پانے کے لیے تعاون کرنے کی اپیل کی ہے۔