غیر معیاری اشیاء پر انتظامیہ کا سخت نوٹس

ریاست جموں و کشمیر کے پلوامہ ضلع میں ایک نجی دودھ کی فیکٹری کی دہی کا ایک ویڈیو سوشل میڈیا پر وائرل ہوا جس میں اس دہی کو غیر معیاری دکھایا گیا۔

معاملے پر ضلع انتظامیہ نے سخت نوٹس لیتے ہوئے فیکٹری کو بند کروادیا ہے نیز دودھ کو جانچ کے لیے بھیج دیا گیا ہے۔

ڈیری لینڈ نامی اس دودھ کی فیکٹری انشاء ڈیری پروڈکٹس تیار ہوتے ہیں۔

علاوہ ازیں انتظامیہ نے معاملہ کا سخت نوٹس لیتے ہوئے ضلع کے تمام خرد ونوش کی اشیاء تیار کرنے والی ملوں اور فیکٹریوں کی جانچ کے لیے ایک ٹیم کی تشکیل دی ہے۔

اس سلسلے میں ضلع ترقیاتی کمشنر پلوامہ سید عابد رشید شاہ نے ای ٹی وی کو بتایا کہ اس سلسلے میں سخت کاروائی کی جا رہی ہے اور دودھ یا دیگر کوئی چیز غیرمعیاری پائی گئی تو قصورواروں کے خلاف سخت کاروائی ہوگی۔