Electricity Fee increases in Tral بجلی فیس میں اضافہ ترال کی عوام کی مشکلات میں اضافہ

ڈی ڈی سی ممبر آری پل منظور احمد گنائی نے ضلع ترال کے آری پل اور ترال تحصیلوں میں بجلی فیس میں اضافے اور آنکھ مچولی پر تشویش کا اظہار کرتے ہوئے انتظامیہ سے فیصلے پر نظر ثانی کرنے کی اپیل کی ہے۔ Electricity Fee increases the Hardships of the People of Tral

ترال:ضلع پلوامہ کے سب ضلع ترال کے ترال اور آری پل تحصیلوں میں بجلی فیس میں ہوش ربا اضافے اور آنکھ مچولی پر تشویش کا اظہار کرتے ہوئے ڈی ڈی سی ممبر آری پل منظور احمد گنائی نے انتظامیہ سے فیصلے پر نظر ثانی کرنے کی اپیل کی ہے۔ اطلاعات کے مطابق بٹہ گند ترال میں ایک کرکٹ ٹورنامنٹ کا افتتاح کرنے کے بعد میڈیا سے بات کرتے ہوئے منظور گنائی نے بجلی فیس میں اضافہ پر تشویش کا اظہار کیا۔ Increase in Electricity Fee increases the Hardships of the People of Tral

انہوں نے کہا کہ علاقے میں گزشتہ دنوں سے ہی مجھے بجلی کی ابتری کی خبریں موصول ہو رہی ہیں اور اس کے بعد بجلی فیس میں اضافہ سے عام لوگ خاص کر خطہ افلاس سے نیچے زندگی گزارنے والے صارفین پریشانی میں مبتلا ہو گئے ہیں۔ تاہم منظور گنائی نے دعویٰ کیا کہ انتظامیہ بجلی فیس کی بڑھوتری کے بارے میں غور وخوض کر رہی ہے اور جلد ہی غریب صارفین کو راحت مل سکتی ہے۔ واضح رہے کہ بجلی فیس میں اضافہ کو لیکر ترال کے مختلف علاقوں میں احتجاج درج کیا جا رہا ہے۔