مسلسل لاک ڈاؤن سے جہاں وادی میں سیاسی اور سماجی تقریبات متاثر ہو رہی ہیں وہیں کورونا اور لاک ڈاؤن کا سایہ مزہبی تقریبات پر بھی اثر انداز ہو رہا ہے۔
اس حوالے سے جنوبی کشمیر کے ترال علاقے میں واقع خانقاہ فیض پناہ میں بھی آنے والی عرس تقریبات کو مؤخر کیا گیا تھا اور اب امیرآباد نامی گاؤں میں بھی عرس کی تقریب ملتوی کر دی گی ہے۔
اس سلسلے میں مقامی اوقاف کمیٹی کی طرف باضابطہ ایک پریس ریلیز بھی جاری کیا گیا ہے جس میں واضح کیا گیا ہے کہ موجودہ صورتحال کے پیش نظر عرس مبارک کی تقریب 27 اور 28 جولائی کو منائی جا رہی تھی کو مؤخر کیا گیا۔
یہ بھی پڑھیں: کشمیر میں مذہبی سرگرمیوں پر کورونا کا سایہ
مقامی ذمہ دار عبد الصمد میر نے ای ٹی وی بھارت کو بتایا کہ موجودہ صورتحال کو دیکھتے ہوئے انہوں نے بھی امسال عرس تقریبات کو ملتوی کیا ہے۔
عقیدت مندوں نے جہاں اس فیصلے کو بروقت قرار دیا ہے وہیں ان کا کہنا ہے کہ امسال تقریبات منعقد نہ ہونے سے انکے جزبات بھی متاثر ہیں تاہم فی الوقت جاری کورونا قہر کے نیتجے میں اسکے علاوہ کوئی چارہ بھی نہیں ہے۔