Poor Drainage in Tral ڈرینیج سسٹم نہ ہونے سے ہردومیر ترال کی آبادی انتظامیہ سے نالاں

ترال کے ہردومیرعلاقہ کے لوگوں نے مطابق ڈرینیج سسٹم کی عدم دستیابی سے انہیں طرح طرح کے مشکلات سے دوچار ہونا پڑا۔ مقامی لوگوں نے انتظامیہ سے علاقہ میں پراپر ڈرینیج سسٹم کے لیے اقدامات اٹھانے کی اپیل کی ہے۔Poor Drainage in Tral

ترال:ہردومیر ترال میں آبادی نے ڈرینیج کی عدم دستیابی سے تنگ آکر انتظامیہ کے خلاف خاموش احتجاج کیا اور اپنی بات انتظامیہ تک پہنچانے کی کوشش کی۔ناگہ محلہ ہردومیر کی آبادی کا کہنا ہے کہ ترال سے لاڈی یار سڑک پر ہردومیر کے مقام پر ڈرینیج کی عدم دستیابی سے لوگوں کو مشکلات درپیش آرہے ہیں۔ مکمل ڈریینج نہ ہونے کے سبب گندہ پانی لوگوں کے صحنوں میں داخل ہو رہا ہے جس کی وجہ سے انہیں گھروں سے نکلنا محال ہورہا ہے۔No Drainage system In tral Hurdumir

مقامی لوگوں نے بتایا کہ اس آدھے کلو میٹر میں انتظامیہ نے پانی کی نکاسی کا کوئی انتظام نہیں کیا ہے جس کی وجہ سے اس جگہ پر اکثر و بیشتر ٹریفک جام اور گاڑیاں پھنسنے کے واقعات رونما ہوتے ہیں جس کی وجہ سے کبھی کبھار مقامی لوگوں اور ڈرائیوروں کے درمیان نوک جھونک بھی ہوتی ہے۔مقامی لوگوں کے مطابق پراپر ڈرینیج نہ ہونے کے سبب اکثر یہاں کیچڑ میں گاڑیاں پھنس جاتی ہیں۔Tral People Suffer Due To Poor Drainage System

مقامی لوگوں نے الزام عائد کرتے ہوئے بتایا کہ اس معاملے کی نسبت سے وہ گزشتہ دو سالوں سے انتظامیہ کے ساتھ رابطے میں ہیں، لیکن سوائے یقین دہانی کے علاوہ کچھ حاصل نہیں ہوا۔ ان کا مزید کہنا تھا کہ وہ اب اپنی درخواستوں کو دفاتر میں لیکر تھک چکے ہیں کیونکہ انتظامیہ نے ابھی تک کوئی ٹھوس اقدامات نہیں کیے ہیں۔

ہردومیر ترال کی آبادی نے اے ڈی سی ترال سے اس معاملے میں فوری مداخلت کی اپیل کی ہے اور کہا ہے کہ اگر ان کا مطالبہ پورا نہیں کیا گیا تو وہ سڑکوں پر نکل کر احتجاج میں شدت لائیں گے۔