جموں و کشمیر کے دیگر اضلاع کے ساتھ ساتھ آج ڈسٹرکٹ کورٹ کمپلیکس District Court Complex پلوامہ میں عبدالرشید ملک کی صدارت میں ایک قومی لوک عدالت کا انعقاد کیا گیا۔
پلوامہ میں قومی لوک عدالت میں سینکڑوں مقدمات کا فیصلہ کیا گیا چیئرمین ڈسٹرکٹ لیگل سروس اتھارٹی ڈسٹرکٹ اینڈ سیشن جج پلوامہ عبدالرشید مالک نے نیشنل لوک عدالت Inauguration of National Lok Adalat کا افتتاح کیا۔ ضلع میں کل نو بنچ تشکیل دیے گئے تھے جن میں سے چار بنچ ضلع ہیڈ کوارٹر میں اور تین بنچ ضلع پلوامہ کی تحصیل سطحوں پر تشکیل دے گئے تھے۔
ان تمام بنچوں کو اپنے اپنے دائرہ اختیار کے ثالث، پینل وکیل اور PLVs کی مدد بھی حاصل تھی۔ ڈپٹی کمشنر آفس میں ریونیو کے مقدمات کے نمٹانے کے لیے ایک بنچ تشکیل دیا گیا تھا اور اس کی سربراہی اسسٹنٹ ریونیو کمشنر پلوامہ کر رہے تھے اور ایک بنچ اسسٹنٹ لیبر کمشنر پلوامہ کی عدالت میں زیر التوا مقدمات کے لیے تشکیل دیا گیا تھا۔
بنچوں کے سامنے رکھے گئے معاملات میں دیوانی، فوجداری کمپاؤنڈ ایبل، چیک باؤنس، بینک کے معاملات، MACT، زمین کا معاوضہ، ازدواجی، کرایہ داری، بجلی اور پری قانونی چارہ جوئی کے معاملات شامل تھے۔ تاہم، معزز ایگزیکٹیو چیئرمین، جے کے ایل ایس اے کی ہدایت کے مطابق سب سے پرانے مقدمات کو بینچوں کے سامنے ان کے تصفیہ کے لیے پیش کرنے کی کوشش کی گئی۔
یہ بھی پڑھیں: ڈوڈہ: ڈسٹرکٹ کورٹ کمپلیکس میں قومی لوک عدالت کا انعقاد
اس سلسلے میں چیئرمین ڈسٹرکٹ لیگل سروس اتھارٹی اور ڈسٹرکٹ اینڈ سیشن جج پلوامہ عبدل رشید مالک نے بات کرتے ہوئے کہا ان آٹھ بنچوں کے سامنے کل 4033 مختلف نوعیت کے مقدمات جن میں کریمنل کمپاؤنڈ ایبل، ازدواجی، مینٹی نینس، چیک باؤنس، سول، ریکوری، MACT- قانونی چارہ جوئی اور قبل از قانونی چارہ جوئی، پبلک سروس یوٹیلیٹی اور دیگر شامل تھے۔ جن میں سے 3658 مقدمات خوش اسلوبی سے نمٹائے گئے۔
