Militant Arrested In Awantipora اونتی پورہ میں عسکریت پسند گرفتار، پولیس

اونتی پورہ پولیس نے ایک ہفتہ قبل گھر سے لاپتہ نوجوان کو ایک پستول اور ایک میگزین سمیت گرفتار کیا ہے۔ پولیس کے مطابق نوجوان نے 29 ستمبر سے سرگرم ممنوعہ عسکریت پسند تنظیم حزب المجاہدین میں شمولیت اختیار کی ہے۔

اونتی پورہ: پولیس نے جمعرات کو جنوبی کشمیر کے اونتی پورہ علاقہ میں حزب المجاہدین تنظیم سے وابستہ ایک عسکریت پسند کو گرفتار کرنے کا دعویٰ کیا ہے۔

پولیس کے مطابق ایک مخصوص اطلاعات کی بنیاد پر اونتی پورہ پولیس، 42 آر آر اور سی آر پی ایف 130 بٹالین نے چندریگام میں ایک خصوصی ناکا لگایا۔ ناکہ چیکنگ کے دوران ایک شخص کو سکیورٹی فورسز نے پکڑا لیا جو مشکوک حالات میں گھوم رہا تھا۔

فوٹو

سکیورٹی فروسز نے مشکوک شخص کو گرفتار کر لیا۔ گرفتار شخص کے قبضے سے پستول اور میگزین برآمد ہوئی ہے۔پولیس ترجمان کے مطابق پوچھ گچھ کے دوران مذکورہ شخص کی شناخت دانش محی الدین ولد غلام محی الدین گنائی ساکن ڈاڈسرہ اونتی پورہ کے طور پر ہوئی ہے۔

ابتدائی پوچھ گچھ پر گرفتار عسکریت پسند نے اعتراف کیا کہ وہ 29 ستمبر سے سرگرم ممنوعہ عسکریت پسند تنظیم حزب المجاہدین سے وابستہ ہے۔

پولیس نے اس سلسلے میں ایف آئی آر نمبر 221/2022 قانون کی متعلقہ دفعات کے تحت پولس اسٹیشن اونتی پورہ میں درج کیا اور مزید تفتیش شروع کی۔

بتادیں کہ گزشتہ دنوں دانش کے والدین نے سوشل میڈیا پر ایک ویڈیو جاری کر کے اپنے بیٹے سے گھر آنے کی اپیل کی تھی۔