ترال میں عسکری پناہ گاہ تباہ

جنوبی کشمیر کے ترال علاقے میں پولیس اور سیکورٹی فورسز نے عسکریت پسندوں کی ایک پناہ گاہ کو تباہ کرنے کا دعویٰ کیا ہے اور وہاں سے کچھ برتن اور دیگر مواد برامد کیا ہے۔

ایس ڈی پی او ترال ڈاکٹر اعجاز ملک نے ای ٹی وی بھارت کو بتایا کہ ایک مصدقہ اطلاع ملنے پر سیر پستونہ جنگلات میں انہوں نے فوج کی 42 آر آر اور سی آر پی ایف کے باہمی اشتراک سے عسکریت پسندوں کی ایک پناہ گاہ کو تباہ کیا اور وہاں سے کچھ کھانے پینے کی اشیاء اور برتن برآمد کیے ہیں۔

انہوں نے مزید بتایا کہ یہ پناہ گاہ ممنوعہ عسکری تنظیم حزب المجاہدین کا ہو سکتا ہے۔ پولیس نے اس بارے میں ایف آئی ار درج کر کے تحقیقات شروع کر دی ہے۔