پلوامہ: ڈانگر پورہ میں گولیوں کی آواز سنائی دی

ایک نوجوان علاقہ سے چل رہا تھا جس کو ناکہ پر موجود سی آر پی ایف نے روکنے کا اشارہ کیا۔ تاہم وہ نوجوان بھاگنے لگا جس کے بعد سی آر پی ایف کی پارٹی نے ہوا میں کچھ گولیاں چلائیں۔

ضلع پلوامہ کے ڈانگر پورہ سرکلر روڈ پر گولیوں کی آواز سنائی دی۔

پولیس کے ایک اعلیٰ افسر نے ای ٹی وی بھارت کو تفصیلات فراہم کرتے ہوئے کہا کہ ایک نوجوان وہاں سے چل رہا تھا جس کو ناکہ پر موجود سی آر پی ایف نے روکنے کا اشارہ کیا۔ تاہم وہ نوجوان بھاگنے لگا جس کے بعد سی آر پی ایف کی پارٹی نے ہوا میں کچھ گولیاں چلائیں۔

پولیس افسر نے یہ بھی کہا کہ شائد وہ ڈر گیا جس کی وجہ سے وہ بھاگنے لگا۔

یہ بات قابل ذکر ہے کہ کورونا کرفیو کے پیش نظر ضلع پلوامہ میں بھی ہر جگہ پر سی آر پی ایف اور پولیس کے ناکے تعینات کیے گئے ہیں جو ہر آنے جانے والے سے پوچھ گچھ کر رہے ہیں۔