پلوامہ: سی آر پی ایف پر گرینیڈ حملہ

ضلع پلوامہ میں سی آر پی ایف پر دستی بم سے حملہ ہوا لیکن دستی بم نہیں پھٹا۔

جنوبی کشمیر کے ضلع پلوامہ میں مشتبہ عسکریت پسندوں نے پوسٹ آفس کے قریب سی آر پی ایف کی 183 بٹالین پر دستی بم پھینکا تاہم یہ نہیں پھٹا۔

پلوامہ کے شوپیان پلوامہ روڈ پر قائم ڈاک خانہ کے نزدیک 183 بٹالین سی آر پی ایف کی گاڑی کھڑی تھی جس پر عسکریت پسندوں نے گرینیڈ سے حملہ کیا۔ تاہم یہ گرینیڈ نہیں پھٹا، وہیں اس روڈ پر نقل و حمل کچھ دیر تک متاثر رہی۔

پولیس نے اس گرینیڈ کو بم ڈسپوزل اسکواڈ کی مدد سے ناکارہ بنا دیا۔ فوج نے اس پورے علاقے کو محاصرے میں لے لیا ہے۔