ترال ۔ امیرآباد میں گرام سبھا کا اہتمام

نئے مالی سال کے لیے تعمیراتی پروجیکٹوں کا اندارج کرنے کے لیے آج امیرآباد ترال میں ایک گرام سبھا کا اہتمام کیا گیا تھا جس کی صدارت بی ڈی او ڈاڈسرہ ثاقب مرتضیٰ نے کی۔

اس موقع پر دیگر محکموں کے ملازمین بھی موجود تھے۔ گرام سبھا میں حلقہ امیرآباد کے لیے نئے مالی سال کے لیے چند اہم پروجیکٹ رکھے گئے جن میں سڑک، بجلی، پانی اور دیگر ضروری خدمات شامل تھیں۔ کورونا کی دوسری لہر کے باعث گرام سبھا میں زیادہ لوگ شریک نہیں ہوئے۔

تاہم اس موقع پر ماسک کا استعمال اور سماجی دوری کا خیال رکھا گیا تھا۔ بی ڈی او ڈاڈسرہ ثاقب مرتضی نے میڈیا کو بتایا کہ 'لوگوں کو رہنما خطوط کی پاسداری کر کے اپنی بات گرام سبھا کے ذریعے انتظامیہ تک ضروری پہنچانی چاہیے، تاکہ ان کے مسائل حل ہوں۔'