پلوامہ اور اننت ناگ میں پولیس کا سرچ آپریشن

علاقے کی سڑکوں کو پولیس نے سیل کر دیا ہے اور تمام گھروں کی تلاشی لی جا رہی ہے۔

جموں و کشمیر کے ضلع پلوامہ کے میج پانپور میں فوج کی طرف سے محاصرہ کر گھر گھر تلاشی مہم چلائی جا رہی ہے۔

ضلع پلوامہ کے میج پانپور میں فوج، سی آر پی ایف اور پولیس نے مشترکہ طور پر اُس وقت محاصرہ شروع کیا جب انہیں مذکورہ علاقے میں عسکریت پسندوں کے چھپے ہونے کی اطلاع موصول ہوئی۔

علاقے کی طرف آنے جانے والی سڑکوں کو فی الحال سیل کر دیا گیا ہے اور کسی بھی فرد کو علاقے کی طرف جانے کی اجازت نہیں دی جارہی ہے۔ وہی علاقے میں گھر گھر تلاشی لی جا رہی ہے۔

فوج کی مزید ٹکڑیوں کو علاقے کی طرف لایا جا رہا ہے اور عام لوگوں کے علاوہ ٹرانسپورٹروں سے پوچھ تاچھ کرنے کے بعد واپس بھیجا جا رہا ہے۔

وہیں دوسری جانب جنوبی کشمیر کے ضلع اننت ناگ کے وانہامہ میں بھی فوج کی جانب سے تلاشی کارروائی کی جا رہی ہے۔

تفصیلات کے مطابق حلقہ انتخاب شانگس کے وانہامہ نامی علاقے میں فوج کو عسکریت پسندوں کے چھپے ہونے کی ایک اطلاع موصول ہوئی ہے، جس کے فوراً بعد فوج نے وانہامہ نامی علاقے کا محاصرہ شروع کیا ہے۔ اس دوران فوج کی جانب سے علاقہ میں لائٹیں نصب کی گئی اور گھر گھر تلاشی لی جارہی ہے۔

مزید تفصیلات کا انتظار ہے۔