Rain Aftermath ترال ہسپتال کے نزدیک نالے پر عارضی پل بہہ گیا، عوام پریشان

موسلا دھار بارشوں کے بعد آئی طغیانی سے سب ڈسٹرکٹ ہسپتال ترال کے نزدیک مقامی نالے پر پُل ڈہ گیا۔ پُل نہ ہونے کی وجہ سے مقامی لوگ لمبی مسافت طے کرکے بعد تحصیل ہیڈکوارٹر پہنچ پا رہے ہے۔

ترال:سب ڈسٹرکٹ ہسپتال ترال کے نزدیک مقامی نالے پر پل نہ ہونے کی وجہ ایک درجن کے قریب گاؤں کی آبادی کو سخت مشکلات کا سامنا کرنا پڑتا ہے۔اگرچہ اس نالے پر عارضی پل تھا تاہم گزشتہ روز موسلا دھار بارشوں کے بعد آئی طغیانی سے پل ڈہ گیا اور اب مقامی لوگوں کو لمبی مسافت طے کرکے تحصیل ہیڈکوارٹر پہنچنا پڑتا ہے۔
مقامی لوگوں نے بتایا کہ آیے روز نالے پر عارضی پُل تعمیر کیے جارہے ہیں اور وہ معمولی بارش کے ساتھ ہی بہہ جاتے ہیں جس کی وجہ سے لوگوں کو سخت دقتوں کا سامنا کرنا پڑتا ہے۔ انہوں نے بتایا کہ وہ پچھلے کئی سالوں سے نالے پر پُل تعمیر کرنے کی مانگ کر رہے ہیں، لیکن ابھی تک اس مسئلے کی طرف کسی نے غور نہیں کیا جس کی وجہ سے پنگلش، رٹھسونہ، چڑی بگ، کویل، شکارگاہ اور مضافات کی آبادی رابطے سے محروم ہو رہی ہے۔

انہوں نے کہا کہ اس حوالے سے انتظامیہ کی غیر سنجیدگی سے کئی سوالات کو جنم دے رہی ہے۔ مقامی لوگوں کے مطابق آج تک رابطہ پُل کے حوالے سے متعدد بار وعدے کیے گئے لیکن زمینی سطح پر کچھ بھی نہیں کیا گیا۔ جبکہ متعلقہ محکمے کے لوگ عارضی پُل بنا کر رقومات نکال رہے ہیں اور کوئی پوچھنے والا ہی نہیں ہے۔ مقامی لوگوں نے ایل جی انتظامہ سے اس ضمن میں فوری مداخلت کی اپیل کی ہے تاکہ ان کا مسئلہ حل ہوجائے۔