آگ پر قابو پانے کے لیے تربیتی پروگرام

ضلع پلوامہ کے پانپور میں آج فائر اینڈ ایمرجنسی سروسز کی طرف سے ایچ پی سی ایل سرینگر اور ایل پی جی باٹلنگ پلانٹ میں کام کررہے کئی ملازمین اور فاٸر اینڈ ایمرجنسی کے جوانوں کو لائیو فائر ٹریننگ پروگرام کے ذریعے آگ پر قابو پانے کے طریقے سکھائے گئے۔

اس موقع پر جوائنٹ ڈائریکٹر فائر اینڈ ایمرجنسی سروسز کشمیر رینج بشیر احمد شاہ نے پروگرام میں شرکت کرنے والوں کو آگ پر قابو پانے سے متعلق اہم جانکاری دی۔ اُن کا کہنا تھا کہ ان محکمہ جات میں کام کررہے ملازمین کے لیے ہر سال اس پروگرام کا اہتمام کیا جاتا ہے اور اس سال یہ پروگرام فائر اینڈ ایمرجنسی سروسز پانپور میں منعقد کیا گیا۔

انہوں نے کہا کہ فاٸر اینڈ ایمرجنسی کے جوانوں کو اس لیے یہ ٹریننگ دی گٸ ہے تاکہ انہیں آگ بجھانے کے زیادہ سے زیادہ طریقے کے بارے میں جانکاری حاصل ہوجائے جس سے وہ آنے والے وقت میں آگ کے بڑے سے بڑے حادثے پر بھی آسانی سے قابو پا سکتے ہیں۔