Fire In Tral Forests ترال کے شکارگاہ جنگلات میں آتشزدگی

ترال کے سیاحتی مقام شکارگاہ کے جنگلاتی علاقہ میں ہفتہ کی شام آتشزدگی کا واقعہ پیش آیا۔ محکمہ وائلڈ لائف اور محکمہ جنگلات آگ بجھانے میں مصروف ہے۔ اطلاع کے مطابق تقریباً 70 فیصد آگ پر قابو پالیا گیا۔Fire In Tral Forests

ترال:ترال کے معروف سیاحتی مقام شکارگاہ کے جنگلات میں آگ لگنے سے عوام میں تشویش کی لہر دوڑ گئی ہے۔ وہیں محکمہ جنگلات اور وائلڈ لائف آگ بجھانے میں مصروف ہے۔Fire In Shikargah Tral Forests

تفصیلات کے مطابق شکارگاہ کے وائلڈ لائف ایریا کے نزدیک آگ تقربیاً سوا سات بجے ظاہر ہوئی جس نے آنا فاناً ایک وسیع علاقے کو اپنی لپیٹ میں لیا ہے۔ آگ لگنے سے سبز سونے سمیت جنگلی حیاتیات کو بڑے پیمانے پر نقصان پہنچنے کی اطلاعات ہیں۔ تاہم وائلڈ لائف کے رینج آفیسر ترال شوکت احمد جان نے ای ٹی وی بھارت سے فون پر بات کرتے ہوئے بتایا کہ مسلسل خشک سالی کی وجہ سے ایسے واقعات رونما ہوتے ہیں۔Range Officer Tral On Fire Incident

انہوں نے کہا کہ وائلڈ لائف اور جنگلات محکمے کی مشترکہ ٹیمیں آگ بجھانے کی کوششوں میں مصروف ہیں اور تقربیاً ستر فیصد آگ پر قابو پا لیا گیا ہے جبکہ مزید کوششیں جاری ہے اور آئندہ ایک دو گھنٹوں میں آگ کو مکمل طور کنٹرول کیا جائے گا۔ انہوں نے بتایا زیادہ نقصان نہیں ہوا ہے البتہ خشک گھاس جل گیا ہے اور اس موسم میں خشک سالی سے ایسے واقعات کو نظر انداز نہیں کیا جا سکتا ہے۔