فاروق عبداللہ کی اسلامک یونیورسٹی میں آمد

پروفیسر مشتاق صدیقی نے ڈاکٹر فاروق عبد اللہ کو یونیورسٹی کے متعلق جانکاری فراہم کی اور مستقبل کے منصوبوں کے متعلق جانکاری دی۔

رکن پارلیمان ڈاکٹر فاروق عبداللہ نے آج اچانک اسلامک یونیورسٹی آف سائنس اینڈ ٹیکنالوجی اونتی پورہ کا دورہ کیا۔ وہاں عملے کے ساتھ مل کر یونیورسٹی کے مختلف شعبہ جات کے حکام سے ملے۔

تفصیلات کے مطابق ڈاکٹر فاروق عبداللہ نے یونیورسٹی کے وائس چانسلر پروفیسر مشتاق صدیقی کے ساتھ ملاقات کی۔ پروفیسر مشتاق صدیقی نے ڈاکٹر فاروق کو یونیورسٹی کے متعلق جانکاری فراہم کی اور مستقبل کے منصوبوں کے متعلق جانکاری دی۔

ڈاکٹر فاروق عبداللہ نے اسلامک یونیورسٹی کی جامع تعمیر وترقی اور سائنس و ٹیکنالوجی میں اس کے رول کو سراہتے ہوئے یونیورسٹی انتظامیہ کو تہینیت پیش کی۔

اس موقع پر رجسٹر پروفیسر نصیر اقبال، فائنانس آفیسر سمیر وزیر، کنٹرولر امتحانات محمد امین بٹ بھی موجود تھے۔