پلوامہ : کمرازی پورہ گاؤں میں دھماکہ خیز مواد برآمد

جموں و کشمیر پولیس اور فوج کی 53 آر آر بٹالیئن نے مل کر اس تلاشی کارروائی کو انجام دیا۔

جنوبی کشمیر کے ضلع پلوامہ کے کمرازی پورہ کے باغات میں ناکارہ دھماکہ خیز مواد برآمد کیا گیا ہے۔

سیکورٹی فورسز نے آج بعد دوپہر خفیہ اطلاعات ملنے کے بعد کمرازی پورہ گاؤں کے باغات میں تلاشی کاروائی شروع کی۔ جس کے بعد ایک مخصوص باغ میں دھماکہ خیز مواد برآمد کیا گیا۔

جموں و کشمیر پولیس اور فوج کی 53 آر آر بٹالیئن نے مل کر اس تلاشی کارروائی کو انجام دیا۔ اس کے بعد قریب کے ایک محلے کی بھی تلاشی لی گئی اور سرچ اپریشن پرامن طور پر اختتام ہوا۔