پلوامہ:اونتی پورہ کے وندک پورہ گاؤں میں جاری انکاؤنٹر دو عسکریت پسندوں کی ہلاکت کے ساتھ ہی اختتام ہوگئی۔ پولیس کے مطابق اس جھڑپ میں جیش محمد نام کی عسکریت پسند تنظیم کے سرکردہ کمانڈر قیصر کوکا بھی ہلاک ہوئے جو کہ سنہ 2018 سے سرگرم تھے، جب کہ دوسرے ہلاک کیے گئے عسکریت پسند کی شناخت ابھی نہیں ہوئی ہے۔ ہلاک گیے جنگجوؤں کے قبضے سے ایک یو ایس اے میڈ رائفل، ایک پستول اور دیگر اسلحہ برآمد کیا گیا ہے۔ Two Militant Killed in Awantipora Encounter
اطلاعات کے مطابق وندک پورہ اونتی پورہ میں یہ جھڑپ اس وقت شروع ہوئی جب سکیورٹی فورسز نے علاقے کو محاصرہ میں لے کر سرچ آپریشن شروع کیا۔ سرچ آپریشن کے دوران عسکریت پسندوں اور سیکورٹی فورسز کا آمنا سامنا ہونے پر گولیوں کا تبادلہ شروع ہو گیا۔
ذرائع کے مطابق سکیورٹی فورسز کو اونتی پورہ کے وندک علاقے میں عسکریت پسندوں کے چھپنے کی اطلاع موصول ہوئی تھی، موصلہ اطلاعات کی بنیاد پر سکیورٹی فورسز نے علاقے کو محاصرے میں لیا اور سرچ آپریشن شروع کیا، تلاشی کا گھیرا تنگ ہونے پر انکاؤنٹر شروع ہوگیا۔ تازہ ترین اطلاعات کے مطابق تصادم میں دو عسکریت پسند ہلاک ہوگئے ہیں۔ دو عسکریت پسندوں کی ہلاکت کے ساتھ انکاؤنٹر ختم ہوگیا۔
