پلوامہ: پلوامہ پولیس کے مطابق انہیں منشیات سے متعلق ایک مصدقہ اطلاع موصول ہوئی کہ ایک منشیات فروش نے رہائشی مکان میں بھاری مقدار میں منشیات کو ذخیرہ کر رکھا ہے۔ پلوامہ پولیس اسٹیشن کی پارٹی نے مجسٹریٹ کی موجودگی میں چیوا کلان نامی علاقے میں ایک رہائشی مکان پار چھاپہ مارا۔ پلوامہ پولیس کے مطابق تلاشی کے دوران رہائشی مکان سے 56 کلو گرام وزنی پوست کا بھوسا اور وزن کرنے والی ڈیجیٹل مشین برآمد کرلی گئی۔Pulwama Police Recovers Drugs
ملزم، جس کی شناخت غلام حسن وانی ولد عبدالرزاق وانی ساکنہ چیواکلان کے طور پر کی گئی ہے، پولیس کی جانب سے کارروائی کیے جانے سے قبل ہی موقع سے فرار ہو گیا۔ پلوامہ پولیس کا کہنا ہے کہ ملزم کو گرفتار کے لیے کوششیں کی جا رہی ہیں۔ اس ضمن میں پلوامہ پولیس نے NDPS ایکٹ کی دفعہ 8/15 کے تحت ایک مقدمہ FIR نمبر 266/2022 پولیس اسٹیشن پلوامہ میں درج کرکے مزید تحقیقات شروع کر دی ہے۔Drugs Recovered in pulwama Drug Peddler Absconding