اونتی پورہ: منشیات فروش گرفتار

گزششہ چند ماہ سے پلوامہ پولیس نے کئی منشیات فروشوں کو گرفتار کیا ہے جس پر عوامی حلقوں نے خوشی کا اظہار کیا ہے۔

منشیات کے خلاف جنگ کو جاری رکھتے ہوئے آج اونتی پورہ پولیس نے دہوتو کراسننگ اونتی پورہ میں ایک منشیات فروش کو گرفتار کر لیا ہے۔

اس سلسلے میں پولیس ذرائع نے ای ٹی وی بھارت کو بتایا پولیس کو اونتی پورہ کراسننگ کے نزدیک ایک شخص کی نقل و حرکت پر شک ہوا اور جون ہی مذکورہ شخص کی تلاشی لی گئی تو اسکے قبضے سے نو کلو گرام چرس برآمد ہوئی جسکے بعد اسکو فوری طور پر حراست میں لیا گیا۔

پولیس کا کہنا ہے کہ اسکے خلاف باضابطہ ایف آئی آر درج کیا گیا ہے اور مزید تفتیش جاری ہے۔

اونتی پورہ پولیس نے منشیات فروشوں کے خلاف جنگ میں عوام کی طرف سے دیے جا رہے تعاون پر اطمینان کا اظہار کیا ہے۔