ترال میں ڈرائیورز کا خاموش احتجاج

سب ضلع ترال میں پرائیویٹ ٹرانسپورٹرز بالخصوص سومو ڈرائیوروں اور مالکان نے انتظامیہ کی جانب سے ترال مین اسٹینڈ میں ایک پارک کی تعمیر کو لیکر آج خاموش احتجاج کیا اور مانگ کی کہ اس فیصلے کو واپس لیا جائے۔

تفصیلات کے مطابق درجنوں سومو ڈرائیوروں اور گاڈی مالکان آج مین بس اسٹینڈ ترال میں جمع ہوئے اور ایک خاموش احتجاج کر کے انتظامیہ تک اپنا مطالبہ بات پہنچانے کی کوشش کی۔

ان ڈرائیوروں نے بتایا کہ ترال سب ڈسٹرکٹ انتظامیہ نے یہاں پر ایک پارک کو منظوری دی ہے جسکی وجہ سے گاڑیوں کے لیے جگہ کم پڑے گی اور اسٹینڈ مزید سکڑ جائے گا اور انکے کاروبار پر منفی اثرات مرتب ہوں گے۔

ڈرائیورز نے بتایا کہ کورونا وائرس کی وجہ سے ان کا روز گار پہلے ہی کافی متاثر ہوا ہے انتظامیہ کی جانب سے اٹھائے گئے اس اقدام سے ان کے کاروبار پر مزید منفی اثرات مرتب ہونگے۔

انہوں نے انتظامیہ سے مطالبہ کیا کہ اسٹینڈ پر پارک بنانے کے فیصلے کو فوری طور واپس لیا جائے ورنہ وہ اپنے احتجاج میں شدت لائیں گے۔