Sheep Charred To Death کونہ بل پامپور میں آگ کی واردات میں 83 بھیڑ جل کر ہلاک

قصبہ پانپور کے کونہ بل گاؤں میں دوران شب ایک اگ کے واقعے میں تقربیاً 83 بھیڑجل کر ہلاک ہوگئے۔ متاثرہ کنبے نے انتظامیہ سے امداد کی اپیل کی۔

پامپور:ضلع پلوامہ کے کونہ بل پانپور گاؤں میں آگ کی ایک ہولناک واردات میں 83 بھیڑ جل کر ہلاک ہوگئے۔ متاثرہ نے انتظامیہ سے امداد کی اپیل کی۔ ضلع پلوامہ کے قصبہ پانپور کے کونہ بل گاوں میں رات کے دورآن آگ کا ایک ہولناک حادثہ پیش آیا۔ اتشزدگی کے اس واقعہ میں مشتاق احمد نامی شخص کے 83 بھیڑ جل کر ہلاک ہوگئے ہیں۔مقامی لوگوں کے مطابق آگ مشتاق احمد کے شیپ فارم سے رات کے ایک بجے اچانک ظاہر ہوئی اور صرف ایک ہی گھنٹے میں پورے شیپ فارم کو راکھ کی ڈھیر میں تبدیل کیا۔

اس دوران فارم میں موجود تقربیاً 83 بھیڑ جل کر ہلاک ہوگئے ہیں۔ عین شاہدین کے مطابق اگرچہ مقامی لوگوں اور فائیر سروس محکمے کے اہلکاروں نے آگ کو مزید پھیلنے سے روک لیا،تاہم اس بھیانک آتشزدگی میں فارم میں موجود تمام بھیڑ جل کر ہلاک ہوگے جس سے اس کنبے کو لاکھوں روپئے کا نقصان ہوا ہے۔

متاثرہ کنبے کے مطابق ان کی روزی روٹی اسی شیپ فارم سے چلتی تھی، اور ان کے پاس اس کے علاوہ کوئی دوسرا سہارا نہیں ہے۔ انہوں نے انتظامیہ سے امداد کی اپیل کی ہے۔ادھر آج تحصیلدار پانپور زبیر احمد نے شیپ ہسبنڑری افسروں کے ساتھ جائے وقوع پر جا کر موقعہ کا ازخود جائزہ لیا۔ انہوں نے متاثرہ کنبے کو ہر ممکن مدد فراہم کرنے کی یقین دہانی کی۔