Silent Protest Against Administration: ترال کے دودھ مرگ کی عوام سراپا احتجاج

دودھ مرگ ترال میں لوگوں نے انتظامیہ کے اس فیصلے کے خلاف خاموش احتجاج Doodmarg Residents Silent Protest کیا، جس کے مطابق ان کو کہا گیا ہے کہ جنگلات کے نزدیک اراضی کو خالی کریں۔

مظاہرین کے مطابق ایک طرف انتظامیہ فاریسٹ ایکٹ Forest Act کی بات کرتی ہے، لیکن دوسری جانب ان کو ستر سال سے زیر کاشت زمینوں سے بے دخل کرنے کی کوشش Attempt to Evict From Cultivated Lands کی جاتی ہے، اس تعلق سے خاموش احتجاج Silent Protest کر کے دودھ مرگ کی عوام نے اپنی بات پہنچانے کی کوشش کی، اس دوران مقامی بھارتیہ جنتا پارٹیرہنما عبدالرشید گوجر نے لوگوں کے ساتھ مل کر انتطامیہ کو ہدف تنقید بنایا اور لوگوں سے اس مسئلے پر بات کی۔

ای ٹی وی بھارت کو مقامی محمد عبداللہ نے بتایا کہ ایک طرف مرکزی حکومت پسماندہ لوگوں کی بھلائی کے دعوے کر رہی ہے، وہی دوسری جانب ہم گوجروں کو ہماری زمین سے بے دخل کرنے کی کوشش کی جا رہی ہے۔

اس موقع پر بھارتیہ جنتا پارٹی کے لیڈر عبدالرشید گوجر نے بتایا کہ 'مقامی انتظامیہ ان گوجروں کو بے گھر کرنے کا منصوبہ بنا رہی ہے، لوگوں کے حقوق کے لیے اگر مجھے جنتر منتر پر بھی دھرنا دینا پڑے تو میں ضرور دوں گا۔ انہوں نے ایل جی منوج سنہا سے اس بارے میں فوری مداخلت کی اپیل کی ہے۔