کاکاپورہ کی اندرونی سڑکیں خستہ حال

انتظامیہ نے بیک ٹو ولیج 2 پرگرام کے تحت کاکاپورہ کے اندرونی راستوں پر ڈرین اور تارکول بچھانے کو منظوری دی تھی لیکن آج تک ان راستوں پر کوئی کام نہیں ہوا ہے۔

جنوبی کشمیر کے ضلع پلوامہ کے کاکاپورہ علاقہ کے لوگوں نے اندرونی سڑکوں کی خستہ حالی کے متعلق انتظامیہ کے خلاف برہمی کا اظہار کیا اور کہا کہ علاقے کے ساتھ سوتیلہ سلوک کیا جا رہا ہے۔

لوگوں کا مطابق علاقے کی اندرونی سڑکوں کی حالت کافی خستہ ہے اور گزشتہ کئی برسوں سے مرمتی کا کام نہیں کیا گیا ہے۔ تھوڑی سی بارش ہونے سے پانی جمع ہو جاتا ہے، جس کی وجہ سے لوگوں کو چلنے میں کافی دشواریوں کا سامنا کرنا پڑتا ہے۔

مقامی لوگوں نے بتایا کہ انتظامیہ نے بیک ٹو ولیج 2 پرگرام میں کاکاپورہ کے اندرونی راستوں پر ڈرین اور تارکول بچھانے کو منظوری دی تھی لیکن آج تک ان راستوں پر کوئی کام نہیں ہوا ہے۔ انتظامیہ ان سڑکوں کی تعمیر و تجدید کے لیے بالکل بھی سنجیدہ نہیں ہے۔

مقامی باشند غلام حسن نے کہا کہ ابھی تک ان راستوں پر نہ ڈرین اور نہ ہی تارکول بچھایا گیا ہے۔ انہوں نے انتظامیہ سے اپیل کی کہ ان کے اس مسئلے کو جلد از جلد حل کیا جائے۔