کسانوں میں لاکھوں پودوں کی تقسیم

دیہاتوں کے علاوہ اب شہروں کو باغبانی کے شعبے میں مستحکم بنانے کے غرض سے آج محکمہ ہارٹیکلچر کی جانب سے ضلع پلوامہ کے کھریو پانپور میں ایک جانکاری کیمپ منعقد کیا گیا۔

پروگرام کے دوران ہارٹیکلچر ماہرین نے کسانوں کو باغبانی میں بہترین آمدنی حاصل کرنے کے لیے ترکیب و جانکاری فراہم کی۔

اس موقع پر علاقے کے کسانوں میں میوہ جات کے مختلف اقسام کے سینکڑوں پودے تقسیم کیے گیے۔

اس پروگرام کا مقصد باغبانی کے شعبے کو مزید مستحکم بنانا ہے۔پروگرام میں ڈائریکٹر ہارٹیکلچر کے علاوہ چیف ہارٹیکلچر آفسر پلوامہ اور کسانوں کی ایک اچھی تعداد نے شرکت کی۔

اس موقع پر ڈائریکٹر ہارٹیکلر نے کسانوں کو ادویات،کیمیائی کھادوں اور دیگر تدابیر کے متعلق جانکاری فراہم کی اس کے علاوہ انہوں نے کسانوں کو مختلف سکیموں کے بارے میں بھی جانکاری دے دی اورکہاکہ ہارٹیکلچر کو فروغ دینے کا مطلب کسانوں کی آمدنی میں اضافہ کرنا ہے۔

کسانوں نے محکمہ ہارٹیکلچر کا شکریہ اداکیا اور ان کے کسانوں کے تئیں ایسے اقدامات کی ستائش کی۔