پانپور میں انہدامی کاروائی

ضلع پلوامہ کے قصبہ پانپور میں تحصیلدار کی سربراہی میں انہدامی کاروائی عمل میں لائی گئی ہے۔

تفصیلات کے مطابق انہدامی کاروائی کے دوران قصبہ میں موجود کھیل کے میدان سے ایک پاخانہ کو منہدم کیا گیا ہے, مقامی کھلاڑیوں نے انتظامیہ کے اس اقدام کی ستائش کی ہے۔

کھلاڑیوں کا کہنا ہے کہ یہ غیر ضروری پاخانہ ان کے لیے باعث پریشانی تھا انہوں نے کہا کہ اس پاخانے کو منہدم کرنے سے انہیں کھیل کود کے لیے مزید جگہ میسر ہو گی ہے اور وہ اب اچھی طرح سے کھیل کود کر سکتے ہیں وہی بس اڈے میں موجود ٹرانسپورٹروں نے بھی تحصیل انتظامیہ کا شکریہ ادا کرتے ہوۓ کہا کہ یہ پاخانہ کسی کام کا نہیں تھا بلکہ صرف بدبو کا مرکز بنا ہوا تھا جسے ٹرانسپورٹروں کو کافی مشکلات درپیش تھے۔

تحصیلدار پانپور اشیتیاق محی الدین نے کہا کہ یہ پاخانہ ہٹانے کے لیے یہاں کے کھلاڑیوں نے پہلے بھی مانگ کی تھی تاہم ہم نے اسے ہٹانے کے لیے مونسپل کمیٹی کو آگاہ بھی کیا تھا۔ آج ہم نے اس پاخانے کو منہدم کر لیا ہے جس سے کھلاڑیوں کو یہاں کھیل کود کرنے میں آسانی ہو جاۓ گی۔