ڈی ڈی سی انتخابات: ترال کے آٹھ پولنگ مراکز پر پولنگ صفر

ڈی ڈی سی انتخابات کے دوسرے مرحلے میں ترال کے آٹھ پولنگ اسٹیشنز میں کوئی بھی ووٹر ووٹ ڈالنے نہیں پہنچا۔ یہاں پولنگ عملہ ہی موجود رہا ووٹرز غائب رہے۔

جنوبی کشمیر کے ترال میں گزشتہ روز منعقدہ ڈی ڈی سی انتخابات کے دوسرے مرحلے کے دوران جہاں مجموعی طور پر حالات پرامن رہے اور بالائی علاقوں میں لوگوں کی ایک بڑی تعداد نے اپنے حق راے دہی کا استعمال کیا وہیں ترال کے نشیبی علاقوں میں لوگوں نے ووٹنگ سے عدم دلچسپی کا مظاہرہ کیا۔

صورتحال کا اندازہ اس بات سے لگایا جا سکتا ہے کہ قریباً آٹھ پولنگ اسٹیشنز میں صفر ووٹنگ درج کی گئی۔

جن پولنگ بوتھوں پر صفر ووٹنگ درج کی گئی ان میں رٹھسونہ بوتھ نمبر 2، شیرآباد بوتھ نمبر 1،3،4، نودل بوتھ نمبر 1،2ا،پنگلش بوتھ نمبر 2اور میڈورہ A شامل ہیں۔

لوگوں نے بتایا کہ امیدوار الیکشن کے موقع پر وعدے تو کرتے ہیں لیکن کامیاب ہو کر ووٹروں کو خدا کے رحم و کرم پر چھوڑ رہے ہیں۔

ایک شہری نے ای ٹی وی بھارت کو بتایا کہ اب تک انہیں سابق ممبر اسمبلی ترال مشتاق احمد شاہ اور این سی نے کچھ نہیں دیا جبکہ ایک اور شھری نے بتایا کہ سیاستدانوں نے انکو نظر انداز کر دیا ہے جسکی وجہ سے ان کو ووٹنگ میں دلچسپی نہیں رہی

واضح رہے کہ پہلے مرحلے کے تحت ترال میں 15.06فیصد ووٹنگ ہوئی اور دس امیدواروں کی قسمت کا فیصلہ ووٹنگ مشینوں میں بند ہوا۔