ضلع ترقیاتی کمشنر پلوامہ نے دو روزہ نمائشی کیمپ کا افتتاح کیا

ضلع ترقیاتی کمشنر پلوامہ بصیر الحق چوہدری نے اس موقع پر خطاب کرتے ہوئے کہا کہ کیمپ کے انعقاد کا مقصد کاریگروں کو محکمہ کے مختلف فلاحی پروگرامز اور اسکیمز سے آگاہ کرنا تھا۔

ضلع ترقیاتی کمشنر پلوامہ بصیر الحق چوہدری نے آج گورنمنٹ بوائز ڈگری کالج پلوامہ میں دو روزہ نمائش کیمپ کا افتتاح کیا جہاں مختلف محکموں نے اپنے سٹال لگائے۔ یہ نمائش آزادی کا امرت مہواتسو کے تحت منعقد گئی۔

ترقیاتی کمشنر نے مختلف محکموں کے اسٹالز کا معائنہ کیا، کمشنر نے خواتین ممبران کو مبارکباد دی اور ان کی تعریف کی۔

اس موقع پر خطاب کرتے ہوئے کمشنر نے کہا کہ کیمپ کے انعقاد کا مقصد کاریگروں کو محکمہ کے مختلف فلاحی پروگرامز اور اسکیمز سے آگاہ کرنا تھا۔

کمشنر نے کاریگر برادری سے اپیل کی کہ وہ آگے آئیں اور اپنے آپ کو محکمے میں رجسٹرڈ کرائیں تاکہ وہ اپنی مجموعی سماجی و اقتصادی ترقی کے لیے بغیر کسی مشکل کے فوائد حاصل کر سکیں۔

اس موقع پر مقررین نے شرکا کو سکیم کے فوائد سے آگاہ کیا۔ اس کے علاوہ شرکاء کو ایل جی انتظامیہ کی حالیہ کوششوں کے بارے میں آگاہ کیا گیا، جس میں دستکاری اور ہینڈلوم میں کوآپریٹو سیکٹر میں سرمایہ کاری شامل ہے۔

کمشنر نے کاریگر برادری سے اپیل کی کہ وہ آگے آئیں اور اپنے آپ کو محکمے میں رجسٹرڈ کرائیں تاکہ وہ اپنی مجموعی سماجی و اقتصادی ترقی کے لیے بغیر کسی مشکل کے فوائد حاصل کر سکیں۔

کیمپوں کے شرکاء کو انفرادی کاریگروں کے لیے کریڈٹ کارڈ اسکیم، مالی معاونت، اسٹیٹ ایوارڈ سکیم اور مصنوعات کی مارکیٹنگ کے بارے میں خصوصی توجہ کے ساتھ اسکیموں کے بارے میں آگاہ کیا گیا۔