ڈی سی پلوامہ نے آج طلباء کے لیے ’نیٹ سپر ففٹی‘ کلاسز کا افتتاح کیا

DC Pulwama inaugurates Comprehensive Competitive Exam Classes under AVSAR مرکزی سرکار کی جانب سے جہاں نوجوانوں کو با اختیار بنانے کے لیے کئی سارے اسکیمیں چلائی جا رہی ہے وہی بچوں کو تعلیم کے نور سے اراستہ کرنے کے غرض سے بھی مرکزی سرکار کے ساتھ ساتھ ضلع انتظامیہ سطح پر بھی کئی سکیمیں چلائی جا رہی ہے۔

پلوامہ: ملک کی سطح پر ہونے والے نیٹ امتحانات کے لیے ضلع انتظامیہ پلوامہ نے مشن یوتھ کے بینر تلے اوسر اسکیم کے تحت ضلع کے 50 بچوں کو نیٹ امتحانات کی مفت کوچنگ فراہم کرنے کے غرض سے نیٹ سپر 50 کلاسز شروع کیے ہیں جس کا افتتاح اج ضلع ترقیاتی کمشنر پلوامہ ڈاکٹر بشارت قیوم نے کیا۔ نیٹ سپر 50 کلاسز میں ضلع پلوامہ کے محتلف علاقوں کے طلباء حصہ لے کر امتحانات کی تیاری کرسکتے ہیں جہاں پر انتظامیہ کی جانب سے انہیں ہر طرح کی سہولیات بہم رکھی جائے گی۔

نیٹ سپر 50 کلاسز میں کا آغاز آج سے گورنمنٹ بوائز ڈگری کالج پلوامہ میں ہوا جہاں پر طلباء مستفید ہوسکتے ہے یہ کوچنگ تین ماہ تک دی جائے جس کے بعد یہ بچے نیٹ امتحان میں حصہ لے سکتے ہیں۔ نیٹ سپر 50 کلاسوں کے لیے منتخب ہونے والے طلباء کو مفت کوچنگ اور مواد ملے فراہم کیا جائے گا جس کی انہیں مطالعہ کے لئے ضرورت ہوگی ہے۔ ڈپٹی کمشنر پلوامہ ڈاکٹر بشارت قیوم نے کہا کہ یو ٹی انتظامیہ کے تعاون سے اوسر کے تحت نیٹ سپر 50 کلاسز شروع کرنے کا بنیادی مقصد ضلع پلوامہ کے مستحق طلباء کو نیٹ کے لئے مفت کوچنگ فراہم کرنا ہے اور وہ بھی ضلع کے اندر ہی۔

ڈپٹی کمشنر پلوامہ نے کہا کہ ضلع انتظامیہ پلوامہ ضلع کے ان نوجوانوں کو بھی موقع فراہم کرے گی جو تکنیکی دنیا میں اپنا کیریئر بنانا چاہتے ہیں۔ اس سلسلے میں یونس احمد خان نے بات کرتے ہوئے کہا کہ یہ ان طلباء کے لئے ایک بہترین موقع ہے جو نیٹ کے امتحانات کی تیاری کر رہے ہیں کہ ضلع انتظامیہ پلوامہ ضلع کے اندر نیٹ کی کوچنگ فراہم کر رہی ہے وہ بھی مفت۔ انہوں نے کہا کہ ضلع انتظامیہ پلوامہ نے ان لوگوں کے لئے ایک سنہری موقع فراہم کیا ہے جو مالی پسماندگی کی وجہ سے نیٹ کوچنگ کی فیس دینے کے قابل نہیں ہوتے ہیں تاکہ نیٹ امتحانات کوالیفائی کرنے کے اپنے خواب کو آگے بڑھا سکیں۔

افتتاحی تقریب کے دوران موجود طلباء نے ڈپٹی کمشنر پلوامہ ڈاکٹر بشارت قیوم کا پلوامہ میں نیٹ سپر 50 کلاسز کے دوران مفت کوچنگ اور مواد فراہم کرنے کے اس اقدام پر شکریہ ادا کیا۔