پلوامہ: ڈپٹی کمشنر (ڈی سی) پلوامہ بصیر الحق چودھری نے پیر کو یوم آزادی-2022 کی تقریبات کے سلسلے میں مختلف محکمہ جات کی جانب سے کئے جا رہے انتظامات کا جائزہ لینے کے لئے افسران کے ساتھ ایک میٹنگ طلب کی۔ DC Pulwama Reviews I Day Arrangementsمیٹنگ کے دوران ڈی پی ایل پلوامہ کو جشن کے لیے مرکزی مقام کے طور پر منتخب کیا گیا جہاں مہمان خصوصی ضلعی سطح پر قومی پرچم لہرائیں گے۔ تمام تحصیل ہیڈ کوارٹرز اور بلاکس کے علاوہ ڈی پی ایل، اونتی پورہ میں بھی یوم آزادی کی تقریب منائی جائے گی۔
پلوامہ، یوم آزادی کی تقریب کے پیش نظر انتظامات کا جائزہ تقریب کے مقام پر سیکورٹی انتظامات، ٹریفک ریگولیشن، بیٹھنے کے انتظامات، فل ڈریس ریہرسل، سجاوٹ، پی اے ایس، بجلی اور پانی کی فراہمی، ٹرانسپورٹ کے انتظامات، صفائی، طبی سہولیات، دعوتی کارڈ، بیریکیڈنگ کے حوالے سے بھی بحث ہوئی۔ DC Pulwama Holds Meeting with Different Department Heads ڈی سی نے ’’ہر گھر جھنڈا‘‘ پروگرام کو کامیاب بنانے پر زور دیا اور اے سی ڈی پلوامہ کو اس کے لیے ایک موثر ایکشن پلان مرتب کرنے کی ہدایت کی۔
ڈی سی نے تمام اسکولوں اور سرکاری عمارتوں پر قومی پرچم کو قومی پرچم کے ضابطے کے مطابق لہرانے پر بھی زور دیا۔ DC Pulwama on I Day Programme ڈی سی نے تمام افسران کو ہدایت دی کہ وہ یوم آزادی کی تقریب کے لیے پیشگی فول پروف انتظامات کریں۔ انہوں نے افسران کو ہدایت دی کہ وہ تمام متعلقہ انتظامات کو یقینی بنائیں اور ضلع بھر میں یوم آزادی کی تقریبات کے خوش اسلوبی سے انعقاد کے لیے قریبی تال میل سے کام کریں۔
پی ڈی ڈی اور جل شکتی محکمہ کو ہدایت دی گئی کہ وہ پانی کے ٹینکروں سمیت بجلی اور پانی کے مناسب انتظام کو یقینی بنائیں۔ جبکہ سی ایم او سے کہا گیا کہ وہ عملے اور ایمبولینس کے ساتھ مناسب طبی سہولیات کو یقینی بنائیں۔ وہیں میونسپل کونسل پلوامہ کے ای او کو ڈی سی نے مرکزی مقام اور قصبے کی صفائی ستھرائی کو یقینی بنانے کی ہدایت دی تھی۔
ڈی سی نے تقریب کو کامیاب بنانے کے لیے ہر سطح پر انتظامات کو یقینی بنانے پر زور دیا۔ میٹنگ میں اے ڈی ڈی سی، اے ڈی سی، جے ڈی-پلاننگ، اے سی آر، اے سی ڈی، سی ای او، کالجوں کے پرنسپل، آرمی کے افسران، تمام تحصیلدار، سابق افسران نے شرکت کی۔ R&B اور PHE کے انجینئرز، DYSSO اور ضلع کے دیگر ضلعی اور سیکٹرل افسران بھی موجود رہے۔
