پلوامہ: ڈپٹی کمشنر اور ایس ایس پی نے کورونا کا ٹیکہ لگوایا

ڈپٹی کمشنر پلوامہ ڈاکٹر راگھو لنگر اور ایس ایس پی پلوامہ کو جمعرات کے روز پلوامہ میں کووڈ ویکسینیشن کے دوسرے مرحلے کے تحت ٹیکے لگائے گئے۔

ڈپٹی کمشنر پلوامہ کو آج سی ایم او پلوامہ اور دیگر صحت کے عہدیداروں کی موجودگی میں ڈسٹرکٹ اسپتال پلوامہ میں کووڈ-19 کے حفاظتی ٹیکا لگایا گيا۔

کووڈ-19 ویکسینیشن کے بعد ڈپٹی کمشنر پلوامہ نے کہا کہ یہ ویکسینیشن محفوظ ہے اور اس کے بارے میں افواہیں بے بنیاد ہیں۔انہوں نے کہا کہ ویکسینیشن کے بارے میں افواہوں کو دور کرنے کے لئے انہوں نے ضلعی سطح پر کووڈ سے بچنے کے لئے ٹیکہ لگایا اور بتایا کہ جلد ہی کووڈ کا خاتمہ کیا جائے گا۔

انہوں نے زور دے کر کہا یہ ویکسینیشن مکمل طور پر محفوظ ہے اور ہر ایک کو اپنی ویکسینیشن کروانے کے لئے آگے آنا چاہئے۔